IPPO Director SSUPT Marlon Tayaba, nagtukod sang tracker team agud magpangita sa duha ka bag-o nga drug group leaders sa probinsya

Iloilo — Nagtukod si Iloilo Police Provincial Office Director Senior Supt. Marlon Tayaba sang tracker team agud pangitaun ang duha ka bag-o nga drug group leaders sa probinsya. Ginhingadlan sang mga pulis nga drug group leaders sanday Federico Balume alyas Master Pedik sang Sara kag Ernesto Bolivar alyas Erning sang Pototan. Naguwa sa workshop sang mga chiefs of police kag intelligence officers sang Iloilo City Police Office, IPPO, Regional Drug Enforcement Unit kag Regional Intelligence Division sanday Master Pedik kag Bolivar ang bag-o nga drug group leaders sa syudad kag probinsya sang Iloilo nga nagbulos sa mga napatay nga sanday Melvin Odicta kag Richard Prevendido.  Ginapangita sang mga pulis kon sa diin nagpanago ang duha nga lunsay may pending warrant of arrest. (JoMaque)