Judge Ofelia Artuz sang MTCC Branch 5, gindismiss sang Korte Suprema

Gindismiss sang Korte Suprema si Judge Ofelia Artuz sang Municipal Trial Court in Cities Branch 5 matapos ginpamatbatan nga guilty sa kaso nga gin-file ni Councilor Plaridel Nava sang 2006.

Sa desisyon nga ginpaguwa sang Supreme Court En Banc sang Agosto 29 subong nga tuig, magluwas sa dismissal, ginbawian man sang tanan nga benipisyo kag gindisqualify nga magtrabaho sa gobierno si Artuz. Suno kay Nava, nag-ugat ang kaso bangud sa pagbinutig ni Judge Artuz sa iya personal data sheet sang nag-apply sa Judicial and Bar Council bilang huwes.

Nag-file sang opposition si nava sa JBC para punggan ang appointment ni Artuz apang ginbalewala ini gani nagdangup siya sa Korte Suprema. Ginrason ni Nava sa iya reklamo nga nagbinutig si Artuz sang naghambal nga wala siya sang pending nga kaso//  Ginlakip ni Nava sa iya complaint ang mga gin-file niya nga kaso batuk kay Artuz.

Lakip sa mga kaso nga gin-file ni Nava sa Korte Suprema batuk sa judge amu ang dishonesty, gross misconduct kag falsification of public document. (AGB)