Iloilo City – Nagapasalamat ang pamilya sang 19-anyos nga estudyante nga babaye nga nakapalagyo siya sa lima ka suspek sa papwersa nga pagpasakay sa iya sa itom nga van samtang nagabantay sang salakyan pauli sa Ungka II, Pavia kagab-i.

Suno sa lola ni alyas Lynlyn, posible nga may malain nga natabu sa iya apo kon wala ini nakalumpat pag-abot sa Green Meadows Subdivision sa Jaro kag nakapangayo sang bulig. Nagapati ang pamilya nga indi target kundi natabuan lang nga ang dalaga ang ginkuha bangud isahanon siya nga nagabantay sa kilid sang dalan pasado alas-7 kagab-i.

Ginsugid ni Lynlyn nga nagbato siya sa mga suspek sa sulod sang van kag nakatiempo nga nabuksan ang pwertahan rason nga nakapalagyo siya. Nagisi ang bag kag bayo ni Lynlyn bangud sa iya pagtinguha nga nakapalagyo samtang nakuha sang mga suspek ang iya wallet.

(ATT)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply