Passi City, Iloilo–Napatay ang suspek sa pagbuno sa pulis sa Passi City kagab-i. Nagdangup sa Aksyon Radyo Iloilo ang amay ni Jomar Lorizo, 31-anyos, nga si Raul matapos ginhambal sang mga doktor nga natam-an sang kastigo ang iya bata. Kaupod ni Jomar nga gintudlo nga nagbuno kay PO2 Chito Aguilario sanday Jerry Lorizo, 47-anyos, Ermando Lorizo kag Luther John Palec, 20-anyos.

Suno sa amay, ginsugo sang mga pulis nga kastiguhon ang mga nagbuno kay PO2 Aguilario.

Alas-4 kaina sang kaagahon sang nagkadto sa police station sa Passi City ang amay agud bisitahonang iya anak pero wala sila ginpasulod kag ginpahulat pa nga magsana-aw na. Alas-8 kaina sang aga sang naghingyo ang anak sa iya amay nga dal-on siya sa ospital bangud indi sini ma-agwantahan ang ka sakit sang iya tiyan. Napatay sa ospital si Jomar.

Gin-athag sang amay nga nabaton niya nga napreso ang anak bangud nakasala pero indi ang kamatayon sini gani nagalaum siya nga mahatagan sila sang hustisya. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply