Leon, Iloilo–Naka-engkuwentro sang tropa sang 61st Infantry Battalion ang ginapatihan mga miembro sang New People’s Army sa Mali-ao Detachment alas-11:30 kaina sang aga.

Suno kay Lieutenant Colonel Sisenando Magbalot Jr, commander sang 61st IB, may impormasyon kagab-i nga may sightings sang armado nga mga lalaki sa lugar gani nga nagpatrolya ang tropa. Naglawig sang ginabanta 20 minutos ang engkuwentro kag wala man sang casualty ukon napilasan sa tropa sang gobierno.

Nagapati si Magbalot nga mga miembro sang Southern Front-Kilusang Rehiyon Panay ang naka-engkuwentro sang mga suldado.

Posible suno sa iya nga nagapapansin lang ang mga rebelde kag tuyo nga i-harass ang mga suldado. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply