Iloilo City — Nag-epekto ang Comelec gun ban sugod alas-12:01 kaina sang kaagahon kadungan sa pagsugod sang election period para sa Barangay kag SK elections.  Gin-athag ni Comelec 6 Director Atty. Dennis Ausan, dayon ang election period bangud wala pa man napirmahan nga laye ang pagpa-iway sang piniliay sa Oktubre 23. Sa pag-epekto sang gun ban, ginadumilian ang pagdala sang pusil bisan pa ang may mga permit to carry.  Base sa revised calendar of activities sang Comelec, natalana ang filing sang certificates of candidacy sa Oktubre 5 tubtob Oktubre 11 samtang ang Campaign Period, natalana sa Oktubre 12 tubtob Oktubre 21. Magatapos ang election period sa Oktubre 30.

Gin-certify ni Presidente Rodrigo Duterte nga urgent ang mga hagna nga magapostpone sang Barangay kag SK elections. Pareho na nga nakapasar sa third and final reading ang measure sang postponement sa Senado kag Kamara. Iga-deliberate sa bicameral conference committee ang proposed measure antes ipadala kay Duterte para sa approval. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply