Iloilo — Manabat ang mga pulis kon mapamatud-an nga may foul play sa kamatayon sang preso sa Passi City Police Station nga si Jomar Lorizo sang Sibacungan, Lambunao.  Ginpasiguro ni ni Iloilo Police Provincial Office Director Marlon Tayaba matapos ginmandu ang ma-id-id nga imbestigasyon sa natabu.  May mga CCTV cameras man sa Passi City Police Station suno kay Tayaba gani mahibaluan nila kon ano ang natabu sang ginsulod sa presuhan si Lorizo upod sa iya duha ka pakaisa matapos gintudlo nga nagbuno sa pulis.  Wala pa na-istorya ni Tayaba si Dr. Owen Libaquin, Medico Legal Officer sang Police Regional Office 6, matapos naguwa sa pag-autopsy sa bangkay ni Lorizo nga napatay siya bangud sa sobra nga pagkastigo.

Nagpa-athag naman ang hepe sang Passi City Police Station nga si Chief Inspector Gerbersen Moyo kon ngaa ginpasugtan sang duty jailer nga si PO1 Marpon Paterno ang pagpaguwa kay Lorizo sa selda. Sa panaysayon sang paka-isa ni Jomar nga si Herman, nagreklamo si Jomar nga masakit ang tiyan matapos ginbalik sa selda. Suno kay Moyo, ginpaguwa si Jomar agud i-inventory matapos narecover sa iya wallet ang sachet sang suspected shabu. Pero nagapati ang pamilya nga planted ang narecover. Nanginwala man ang mga pulis nga nasakit nila si Jomar. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply