(UPDATE) ‘Karumal-dumal’

Passi City, Iloilo–Karumal-dumal!

Ini ang paglaragway ni Dr. Owen Libaquin, Medico Legal Officer sang Police Regional Office 6, sa natabu sa preso sa Passi City Police Station nga si Jomar Lorizo, residente sang Sibacungan, Lambunao, nga napatay bangud sang kastigo.

Sa autopsy ni Dr. Libaquin, natukiban nga nagkalabali ang gusok ni Lorizo kag wasak ang atay sini bangud natuslok sang nabali nga gusok, nagadugo ang iya utok kag intestines, baog ang kuko kag puno sang lagub kag gasgas ang lawas. Suno kay Libaquin, posible nga ginayudyod samtang nagaluhod si Lorizo. Posible suno kay Libaquin nga indi masarangan sang isa ka tawo ang pagkastigo kay Lorizo bangud mabukod ang lawas sini.

Antes napatay, nakapanugid pa si Lorizo sa iya amay nga ginpakastigo siya sang mga pulis sa iban pa nga preso.

Si Lorizo upod ang duha pa ka pakaisa sini nga sanday Jerry kag Herman Lorizo ang gintudlo nga nagbuno sa pulis sa Passi City rason nga gindakup sila. Nagapati naman man ang pamilya nga planted ang shabu nga nakuha sa wallet ni Lorizo. Nabilin ni Lorizo ang asawa sini nga nagabusong sang lima ka bulan. (AGB)