Iloilo City – Indi na mag-confiscate sang driver’s license ang Transportation Management and Traffic Regulation Office ukon TMTRO sa mga madakpan nga nagalapas sa ordinansa sugod sa Nobyembre.

Suno kay Public Safety and Transportation Management Office head Jeck Conlu,  isyuhan na lang sang TOP ukon citation ticket ang mga madakpan nga drivers agud makabiyahe sila sa guwa sang syudad.

Isa man sa mga rason suno sa iya amu ang plano nga pag-install sang Inteligent Transport System sa diin indi na kinahanglan ang traffic auxiliaries agud dakpon ang mga nagalapas sa ordinansa. Naga-coordinate ang city government sa Land Transportation Office para sa Memorandum of Agreement para sa plano nga ma-alarm na lang ang LTO kun may violation kag padal-an sang notice ang driver.

Mapakig angot man si Conlu kay Committee on Transportation chair Councilor R Leone Gerochi para magplastar sang mga penalidad sa mga driver nga indi maggawad sang lisensya kada semana ukon kada bulan.

(ATT)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply