Foodwealth Agro Vet Trading, handa nga bayluhan ang mga pisu nga ginpanagtag sang city government sa mga 4Ps beneficiaries

Iloilo City — Handa nga bayluhan ni Foodwealth Agro Vet Trading proprietor Gaspar Igona ang tanan nga pisu nga gin-deliver niya kun pabayluhan sa iya sang city government nga wala sang bayad. Apang ginapanindugan ni Igona nga nasunod niya ang terms of reference sang kontrata nga baliskad naman sa naguwa nga 2 ka reports sang City Agriculture Office kag Internal Services Office. Wala naman sang may mahimo pa si Igona kun magdesisyon ang city government nga bawion ang kontrata apang ginakuwestyun niya kon ngaa ginbaton sang city government ang gindeliver niya nga mga pisu. (JoMaque)