MGA LOCAL OFFICIALS SA PROBINSYA NGA GINHINGADLAN NI PRES. DUTERTE NGA DRUG PROTECTORS, PWEDE NA MAKASUMPA SA PDP-LABAN SUNO KAY GOV. DEFENSOR

Province of Iloilo – Pwede na maka-sumpa sa PDP-LABAN ang mga local officials sa probinsya sang Iloilo nga ginhingadlan ni Presidente Rodrigo Duterte nga protektor sang illegal nga druga.

Suno kay governor Arthur Defensor, may pahanugot na halin kay Speaker Pantaleon Alvarez nga pwede makasumpa sa partido sanday Calinog mayor Alex Centena, Maasin mayor Mariano Malones, Carles mayor Seigfred Betita kag Maasin vice mayor Francis Amboy.

Natalana magsumpa sa PDP-LABAN sanday governor Defensor, 3rd District Congressman Toto Defensor, mga mayors, vice mayors kag sangguniang bayan members sang terser distrito sa Nobyembre 23.  Ang PDP-LABAN ang partido ni Presidente Duterte.

(ATT)