Janiuay, Iloilo — 6 ka mga suldado nga miyembro sang 61st Infantry Battalion ang napilasan sang nalukpan sang Improvised Explosive Device (IED) sa Barangay Pangilihan, Janiuay las 10:45 kagab-i. 1 na lang sa 6 nga napilasan ang nagapabilin sa ospital bangud sang igo sang shrapnel sa iya guya samtang 5 ka iban pa nakagguwa na kaina sang kaagahon. Ginsab-it sa puno sang kahoy ang IED kag ginpalupok sang naglabay ang 3 ka army truck nga naghalin sa Barangay Anhawan kag pabalik na sa town proper. Naigo sa guya si Corporal Ronald Peligro, 34, sang Bohol nga driver sang una nga truck. Ginapatihan nga mga miyembro sang New People’s Army ang nagpalupok sang IED. Magluwas kay Peligro, ang iban pa nga napilasan amo sanday:

PFC Joebert Porras, 26, sang Barangay Lonoy, Calinog

Cpl Remo Londo Villa, 36, sang Mambusao, Capiz

PFC Peter Calugas, 24, sang Tagsing, Leon

Sgt William Biado Jr, 39, sang Midsayap, North Cotabato

PFC Ariel Ea, 24, sang Sultan Kudarat

(JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply