Iloilo City — Ginkuwestyun ni Councilor Joshua Alim ang paghatag sang otoridad sa pribado nga negosyante nga magdumala sang mga nagabaligya sa Mandurriao plaza. Kasunod ini sang nakalab-ot nga impormasyon kay Alim nga gin-award sang Association of Barangay Captains sa Mandurriao kay certain Bobot ang pagdumala sa mga kiosko sa plaza halin Oktubre 1 tubtub Nobyembre 30.  Suno kay Alim, ang ABC lang ang may kinamatarong kag responsibilidad nga magdumala sang mga aktibidad sa plaza bilang kabahin sang district fiesta kon basehan ang executive order sang city government. Apang natukiban sang konsehal nga may pribado nga negosyante nga amu ang nagakontrol sang negosyo kag presyo sa Mandurriao plaza.  Suno pa kay Alim, pila sa mga nagabaligya sa plaza ang wala nakahibalo sa isyu bangud nagabayad lang sila sa organizer sa pagpati nga legal ang operation. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply