Former Jail warden sang IDJ sa Nanga Pototan, pa-imbestigaran sang BJMP 6 director kasunod sang ginpahayag prohibited items nga nakasulod sa jail facility

Iloilo — Pa-imbestigaran ni Bureau of Jail Management ang Penology 6 Director Rex Delarmente ang former jail warden sang Iloilo District Jail sa Nanga, Pototan nga si Jail Inspector  Abner Zamora bangud sa ginpahayag pagpasugot sa pamilya sang preso nga makasulod sa jail facility ang mga prohibited items. Nakita ni Delarmente sa mga pictures nga nakasulod ang mga gadgets sang pamilya ni Jobern Abantao nga may kaso nga illegal drugs. Suno kay Delarmente, indi gid puwede makasulod sa jail facility ang bata nga below 7 years old, makahulubog nga ilimnon, hampanganan kag bike sang bata, manok kag ido, mga gadgets kag indi puwede makatulog sa facility ang bata bangud ginalikawan sang BJMP director ang kasubong nga natabu sa Bicutan Jail nga nang-hostage ang mga preso nga muslim. (JoMaque)