Koreano nga negosyante, patay sang naabtan sa iya apartment sa Jaro; bata sang negosyante, suspek sa pagpatay

Iloilo City–Patay na sang naabtan sang Iloilo City Emergency Responders ang Koreano nga negosyante sa iya apartment sa Ledesco Village sa Cubay, Jaro kaina sang aga.

Nakita nga may pilas sa ulo kag may higut sa leog si Chun Jin-soo, 57-anyos, nga may negosyo nga salon kag restaurant. Ginkustodiya naman sang Jaro police ang bata sang negosyante nga si Chun Hye-Soo, 25-anyos, matapos gintudlo nga nagpatay sa iya amay. May nakita nga hurma sang higut sa magtimbang nga kamot sang bata.

Nasapwan ang negosyante nga nagahapa sa sulod sang iya kwarto kag may kutsilyo malapit sa lawas sini.

Sa imbestigasyon ni SPO1 Arneil Villarante sang Jaro Police Station, nagpatunga lang ang bata bangud tuyo bun-on sang negosyante ang iya iloy. Ginpahayag nga ginlampusan sang bata ang ulo sang iya amay antes ini ginkuga. Nag-abot man ang representative sang Korean Embassy sa Jaro Police Station agud magpangusisa sa natabu.

Mataas ang tingog

Wala naman sang ideya ang kabulig sang negosyante nga si Rosa Libuna sang Baldoza, Lapaz sa natabu bangud day-off niya subong nga adlaw.

Sa iya pag-obserbar, mabuot ang bata samtang masami nga mataas ang tingog sang negosyante. (AGB)

About Post Author

aksyonradyoiloilo_ahuqdr

iloveshabu@gmail.com

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %