Bag-ong bun-ag nga lalaki nga nasulod sa plastic, ginbilin sa Molo

Iloilo City–Ginkakibot sang mga residente sa Calumpang, Molo sang natukiban ang bag-ong bun-ag nga lapsag nga lalaki nga nasulod sa plastic sa kilid sang pader pasado alas-10 kaina sang aga.

Nakabati si alyas Ayeng nga may nagahibi kag nagdumdom pa siya nga totoy ukon kuring lang. Pero nakibot siya sang ginbuksan ang plastic kag nakita nga unod ang bata nga naputos sang lampin kag nagatabid pa ang pusod.

Padayon nga ginahibalo sang mga otoridad kon sin-o ang nagbilin sang lapsag. Suno kay Ayeng, may babaye siya nga nakita nga nagasakay sa trisikad nga may bitbit nga plastic kag ginbilin sa lugar. Ginpahayag nga nakasuksok sang daster ang babaye kag naputos sang itom nga malong  ang iya nawong. Sa pagpati ni Ayeng, pareho nga estudyante ang babaye kag lalaki bangud bataun pa tulukon.

Gindala sa Western Visayas Medical Center ang lapsag. (AGB)