Negros Occidental – Nadakpan na ang wanted person kag ginatudlo isa sa duha ka bag-o nga drug group leaders sa Iloilo nga si Arturo Balume alyas Master Pedic sang Sara.

Ginkonfirmar ni Iloilo Police Provincial Office Director Marlon Tayaba nga nadakpan si Balume sa Poblacion, Hinoba-an, Negros Occidental kahapon sang hapon. Nadakpan man ang bata ni Master Pedic nga si Arturo Balume Jr, asawa ni Balume Jr kag certain Rodney. Nakuha sa ila salakyan ang mga armas kag sachets sang suspected shabu.

Ang mag-amay nga Balume ang may kaso nga double murder may kaangtanan sa pagtiro patay sa duha ka supporters ni mayoralty candidate Melina Requinto sang Estancia antes ang eleksyon sang nagligad nga tuig.

Si Master Pedic ang gintudlo man nga involved sa mga kaso sang pagpanghold-up. Sang damlag lang, ginhingadlan siya sang Police Regional Office VI nga bag-o nga drug group leader kag naka-agi subgroup sang Odicta drug group.

Nangin madinalag-on ang operasyon sa pagbuligay sang IPPO, Regional Intelligence Division, Negros Occidental Police Provincial Office kag Philippine Drug Enforcement Agency VI.

(ATT)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply