Iloilo City–Gindismiss sa serbisyo ang isa sa 12 ka police officials sa Western Visayas nga una ginhingadlan ni Presidente Rodrigo Duterte nga may kaangtanan sa illegal nga druga.

Ginkonfirmar ni National Police Commission ukon Napolcom 6 Spokesperson Allen Camiring nga nagpaguwa ang Napolcom Central Office sang dismissal order batuk kay Superintendent Ronald Alan Gepana, former chief sang Regional Intelligence Unit. Suno kay Camiring, gin-ako ni Gepana nga kilala niya si the late PDEA identified drug group leader Melvin Odicta apang ginpanginwala nga nakabalo siya sang illegal sini nga negosyo.

May 10 ka adlaw si Gepana para magfile sang motion for reconsideration ukon appeal sa Civil Service Commission sa kaso nga conduct unbecoming of a police officer nga ginfile sa iya.

Magluwas sang dismissal sa serbisyo, makanselar man ang eligibility, maforfeit ang mga retirement benefits kag indi man pagpahanugutan nga maka-obra liwat sa gobyerno si Gepana. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply