Iloilo City–Lunsay pilason ang mag-live in nga sanday alyas Michael, 22-anyos, kag alyas Candy sang Bolilao, Mandurriao sang nabun-an kag nalampusan sang mga menor-de-edad sang Oktubre 14 sang kaagahon.

Ginpahayag nga nagsulod sa 7-11 store sa Injap Tower sa Diversion Road, Mandurriao ang mga biktima. Nasiplatan ni Michael ang mga menor nga ara sa sulod kag ginmuno parte sa curfew.

Pero nakibot ang maglive-in sang paguwa nila, ginlampusan sang botelya sang beer sa ulo si Michael. Nagpatunga pa si Candy kabangdanan nabun-an man siya sa leog kag likod. Nabun-an man ang manghud ni Michael nga si Mark sa wala nga siku.

Nadakpan ang duha ka menor-de-edad kag gindala sa Balay Dalayunan samtang nakapalagyo naman ang isa pa ka kaupod nila. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply