2 ka hubog nga lalaki, nagsumbaganay sa sulod sang jeep

Iloilo City — Pilason ang guya sang 31-anyos nga manugluto matapos ginsumbag sang 19-anyos nga soltero sa sulod sang jeep sa Mandurriao. Suno sa soltero nga si Reniel Elfalsis sang Brgy. So-oc, Arevalo, una siya nga ginsaway sang manugluto nga si Antonio Melocoton sang Brgy. Pali-Mandurriao bangud nagabika siya sa pagpungko sa jeep. Nagsabtanay sanday Elfalsis kag Melecoton tubtob nga nagsumbaganay sila sa sulod sang jeep. Gin-ako sang magtimbang nga kampo nga naka-inom sila sang natabo ang insidente. Preso sa Mandurriao Police Station ang mga natungdan suno kay PO3 Ariel Amore. (JoMaque)