Sunod-sunod nga insidente sang pagpangtiro sang riding-in-tandem gamit ang airsoft gun, narecord sa syudad

Iloilo City–Sunod-sunod nga insidente sang pagpangtiro sang riding-in-tandem gamit ang airsoft gun ang na-record sa syudad halin kagab-i tubtub kaina sang kaagahon.

Una nga nabiktima mga alas-11 kagab-i ang pito ka estudyante sang Jaro National High School nga naga-practice para sa Dinagyang Festival. Nagalakat pauli ang mga estudyante nga ginalakipan sang isa ka babaye sang gindulugan sang lima ka riding-in-tandem nga naka-bonnet, ginlatigo kag ginpangtiro sila sang airsoft gun. Suno kay alyas Target, isa sa mga estudyante, nagkadlaw pa ang mga suspects matapos sila gintiro.

Samtang ala 1:50 kaina sang kaagahon sang nagreklamo ang 21-anyos nga si Soliman Hermano sang Washington Street, Benedicto, Jaro nga gintiro sang airsoft gun sang naka-motorsiklo kag maskara nga lalaki. Suno kay Hermano, nagaplastar siya sang iya baligya nga talaba sang ginpunduhan sang suspect kag gintiro.

May natabu man nga kapareho nga insidente sa Molo sa kapareho man nga oras sa diin anum ka mga menor-de-edad kag isa ka call center agent nga lalaki ang gintiro sang anum ka riding-in-tandem gamit ang airsoft gun. (AGB)

About Post Author

aksyonradyoiloilo_ahuqdr

iloveshabu@gmail.com

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %