Iloilo–May mga pulitiko nga nagaproteher sa privated armed groups sa probinsya.

Apang nagbalibad si Iloilo Police Provincial Office Director PSSUPT Marlon Tayaba nga hingadlan ang mga pulitiko bangud padayon ang ila imbestigasyon.

Na-identify naman suno kay Tayaba ang mga lider kag miembro sang mga armed groups. Una na ginpahayag ni Tayaba sa Peace and Order Summit sang 5th District sa San Dionisio kahapon nga may pito ka armed groups sa probinsya nga makita sa Sara, Estancia, Lemery, San Rafael, Pototan, San Enrique kag isa pa ka banwa.

Sang nagligad nga semana, nadakpan sa Hinoba-an, Negros Occidental si Arturo Balume alyas Pedic nga ginatudlo sang Police Regional Office 6 nga bag-o nga drug group leader sa Iloilo. Ginbuyagyag sini sa interogasyon nga naka-agi siya obra nga security aide ni former Sara Mayor Neptali Salcedo kag nakatrabaho man kay Estancia Mayor Rene Cordero.

Ginpanginwala nanday ni Mayor Cordero kag Sara Mayor Ermelita Salcedo nga sila ang nagaproteher kay Master Pedic. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply