Ginabanta 500 ka mga pasahero pakadto sa Guimaras, na-stranded sa Parola Wharf bangud sa temprano nga pag-untat sang biyahe sang mga pumpboats

Iloilo City — Ginabanta 500 ka mga pasahero pakadto sa Guimaras ang na-stranded sa Parola Wharf kagab-i bangud wala nakahingagaw sa last trip.  Suno kay Coast Guard Iloilo Station Commander Ramil Palabrica, wala na nagresgu ang iban nga mga pumpboats bangud sang dalagku nga balud dala sang gale warning. Gintingub sa Parola ang mga pumpboats nga nagabiyahe pa-Jordan kag Buenavista.

Tubtob lang alas-8 ang last trip kagab-i. Ginpa-athag ni Palabrica nga nag-istrikto sila bangud indi nila luyag nga masulit ang trahedya sang pagkalunod sang pumpboat. (JoMaque)