Iloilo City–Nag-sorry ang suspek nga nagmartilyo sa mag-asawa nga Muslim kag ila lima ka bulan nga bata sa Mandurriao Plaza kahapon sang kaagahon.

Gin-ako ni JR Mojana sang Mambagaton, Himamaylan, Negros Occidental nga siya ang nag-martilyo kanday Muamar kag Asniefa Ditingki kag sa ila bata samtang nagakatulog sa sulod sang kiosko. inrason ni Mojana nga nasuya siya sang ginsit-sitan ni Muamar samtang nagabitbit sang beer gani ginbalikan niya kag ginbalusan ang mga biktima.

Patay ang mag-amay samtang padayon nga ginabulong sa Western Visayas Medical Center ang asawa.

Handa si Mojana nga atubangon ang kaso batuk sa iya. Kaso nga double murder, frustrated murder kag concealing of true name ang ipasaka batuk kay Mojana nga una nagpakilala nga si Mark Ganava. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply