Iloilo City–Ginkwestyun ni Councilor Joshua Alim ang pagpangkakas sang bricks sa bike lane sang syudad sa atubang sang Gaisano Center sa Diversion Road, Mandurriao.

Sa iya privilege speech sa session sang City Council kaina sang aga, ginpamangkot ni Alim kon nahatagan sang syudad sang permit ang pagpangkuha sang mga bricks. Ginpahayag nga butangan sang traffic lights ang area nga pasulod sa Gaisano Center.   Wala pa sang komento ang Gaisano Capital Group kon ano ang ila plano sa mga bricks nga ginpangkuha.

Suno naman kay Councilor Jay Treñas, may memorandum of agreement ang City government kag Gaisano Capital sa ginahimo nga proyekto. Nakalisensya man suno sa konsehal ang contractor kay Mayor Jed Patrick Mabilog, may deed of donation nga gin-aprubahan sang Sangguniang Panlungsod kag may approval sang DPWH kag City Engineer’s Office. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply