Iloilo City — May skeletal deployment ang Iloilo City Police Office sa mga patyo sa siyudad sugod sa Oktubre 31. Suno kay ICPO spokesperson Senior Inspector Shella Mae Sangrines, ginhimo nga temprano ang pag-deploy sa mga police bangud may mga tawo nga nagakadtu sa mga patyo antes ang fiesta minatay. May ibutan man nga Police Assistance Hub sa mga simbahan kag sementeryo agud mag-assist sa mga pumuluyo nga nagapangayo sang bulig. Upod sang mga police sa Police Assistance Hub ang mga volunteer sang Red Crosss, Iloilo City Emergency Responders (ICER), Bureau of Fire Protection kag mga barangay tanod.

Dumilian suno kay Sangrines ang pagdala sang armas, pagsugal kag makahulubog nga ilimnon sa sulod sang patyo agod mapat-od nga malinong kag matawhay ang pagdumdom sang fiesta minatay. Ipatuman man ang traffic rerouting sa mga makitid nga karsada agud mahatagan sang ligwa ang pagpadulong sang mga pumuluyo sa sementeryo. Magabantay ang mga police sa mga sementeryo sugod sa Oktubre 31, Nobyembre 1 kag 2. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply