Iloilo City–Gintawag sang kampo ni Mayor Jed Patrick Mabilog nga unfair kag absurd ang desisyon sang Ombudsman nga pagdismiss sa alkalde kag pagdisqualify sa iya sa pag-uyat sang anuman nga opisina sa gobyerno bangud lang sang simple nga dishonesty.

Pahayag ini sang abogado ni Mabilog nga si Atty. Joenar Pueblo sa press conference kaina sang hapon matapos nabaton ang kopya sang dismissal. Ginpabutyag ni Pueblo nga nabase ang desisyon sa opinion nga naga-‘defy sang financial logic’ ang pagdugang sang manggad sang alkalde base sa iya 2013 Statement of Assets, Liabilities and Net Worth.

I-apelar sang kampo ni Mabilog ang desisyon sang Ombudsman kag mahingyo man sang temporary restraining order. Kon i-serve gid man sang DILG ang mandu, batunon man ini sang kampo suno kay Pueblo apang padayunon nila ang pag-away agud mabaliskad ang desisyon. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply