Barotac Viejo, Iloilo–Patay ang 60-anyos nga babaye nga ginapatihan may deperensya sa paminsarun sang nasagairan kag natumbahan sang duha ka motorsiklo sa Brgy. Natividad, Barotac Viejo kaina sang aga.

Suno kay Chief Insepctor Joven Arevalo, hepe sang Barotac Viejo Municipal Police Station, nagasunod sa tricycle ang madamo nga mga motorsiklo lakip ang mga nakabunggo. Hinali lang nagpondo ang tricycle suno kay Arevalo kag nag-overtake ang motorsiklo nga ginamaneho ni Bob Lorence Baviera sang Brgy. Pedada, Ajuy rasun nasagairan ang biktima nga si Jasmine Sarmiento sang nagtabok sa karsada.

Natumbahan man sang motorsiklo nga ginameneho ni John Paul Buna sang Brgy. Pagsanga-an, Pavia ang biktima suno kay Arevalo.

Ginadala pa sa ospital si Sarmiento apang napatay. Preso sa Barotac Viejo Municipal Police Station sanday Baviera kag Buna. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply