Leon, Iloilo–Ginsulod sang armado nga grupo nga ginapatihan mga miembro sang New Peoples Army ang balay sang ginpahayag Revolutionary Proletarian Army (RPA) supporter sa Sitio Ilawod, Brgy Isian Norte, Leon pasado alas-9 kaina sang aga.

Ginkumpirmar ni Lieutenant Colonel Sisenando Magbalot, commanding officer sang 61st Infantry Batallion, Philippine Army nga ginsulod sang ginabanta 10 tubtob 15 ka lalaki nga nakasuksok sang PDEA shirts ang balay ni Mr. Carlos Diaz. Nakibot si Diaz Magbalot sang ginkuha sang mga lalaki ang iya 38-caliber revolver matapos nagpakilala nga miembro sang NPA ang nagsulod.

Gilayon man nga nagpalagyo ang mga lalaki suno kay Magbalot. Gintudlo nga nagpanguna sa grupo si Mr. Joven Ceralbo sang Tumagtang Command kag Southern Front in K-R Panay nga sa idalum sang NPA.

Nagpanawagan si Magbalot sa publiko nga magpabalo gilayon sa otoridad kun may kasubong nga mga insidente agud gilayon nga ma-aksyonan. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply