Caretaker sang apartment, nakuhaan sang pusil kag mga bala sa raid

Oton, Iloilo — Nakuhaan sang pusil kag mga bala ang subject sang search warrant sa Pakiad, Oton kagab-i.  Apang guba na ang 45 caliber pistol suno sa subject nga si Diolito Dorado Jr, 36-anyos sang Roxas City, Capiz. Si Dorado ang caretaker sang WL Apartment.       Magluwas sa pusil, may nakuha man nga magazine, 13 ka bala kag holster. Ginhimo ang operasyon sang IPPO Special Operations Group Team 3 kag Oton police. (JoMaque)