Iloilo City–Naserbe na ang dismissal order ni Mayor Jed Patrick Mabilog kaina. Ginpangunahan ni DILG 6 Director Anthony Nuyda upod kay DILG 6 legal officer Cedric Jaranilla ang pagserbe sang order nga ginbaton sang abogado ni Mabilog nga si Atty. Joenar Pueblo.

Kasunod sini, nagsumpa si anay Vice Mayor Joe Espinosa nga full-fledged mayor samtang si anay Councilor Jeffrey Ganzon ang full-fledged vice mayor.

Gindismiss sang Ombudsman si Mabilog sa serious dishonesty bangud sang wala napa-athag nga paghabok sang iya manggad sa iya 2013 Statement of Assets, Liabilities and Net Worth.

‘Petition for certiorari’

Bisan nga dismissed na si Mabilog, gin-athag ni Atty. Mark Piad, spokesman sang anay alkalde, nga may legal remedies pa sila nga himuon. Magafile ang abogado ni Mabilog sang Petition for Certiorari sa Court of Appeals para mareview ang desisyon. (AGB)

 

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply