Hamtic, Antique — Patay ang pulis sang nabungguan ang iya motorsiklo sang isa man ka motorsiklo sa Brgy. Calacja I, Hamtic, Antique. Suno kay PO2 Mark Jopet Jallorina, imbestigador sa Hamtic Police Station, nang-agaw sang lane ang motorsiklo nga ginamaneho sang construction worker nga si Juarry Tadeo sang Hamtic, Antique rasun nabungguan ang motorsiklo ni PO1 Jonathan Manzano, 30-anyos sang Brgy. Balabag, Pavia nga assigned sa Antique Public Safety Company. Gindala pa sa ospital si Manzano apang napatay. Padayon naman nga ginabulong sa ospital si Tadeo lakip ang iya angkas nga mga hinablos nga nagaedad sang 4 kag 12 anyos.
Naka-hospital arrest si Tadeo kag natalana nga pasakaan sang kaso. Wala sang dala nga driver’s license si Tadeo suno kay Jallorina. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply