42 Ka Job Hires Sang Iloilo Slaughterhouse Wala Naswelduhan Sang Oktubre

Iloilo City – Wala naswelduhan ang 42 ka job hires sang Iloilo Slaughterhouse sang Oktubre.

Suno kay alyas Gwapo, nanghulam lang ang iban sa ila agud maka-obserbar sang tigkalalag bangud wala sang nag-abot nga sweldo sang Oktubre 20. Gin-ako ni Gwapo nga nagakadelay gid man ang abot sang ila sweldo sa renewal sang ila job order. Nagalaum ini nga maabot ang ila sweldo sa Nobyembre 5.

Nagpa-athag naman si Ms. Dolores Trabasas, OIC sang Iloilo Slaughterhouse, nga ginahulat na lang ang job order sang mga trabahador agud marelease ang ila sweldo.  Ginpahayag ni Trabasas nga ginaproseso na ang job order.

(ATT)