4 ka tuig nga bata, patay matapos nalasakan sang delivery van

Iloilo City –Patay ang 4 ka tuig nga bata nga babaye matapos nabungguan kag nalasakan sang delivery van sa Barangay Airport, Mandurriao kahapon. Gindala pa sa ospital si alyas Rhyze apang wala gid natabangan. Pilason naman ang tiya sini nga si Roselyn Dapulang. Sa imbestigasyon sang Mandurriao police, nagatabok sa karsada ang duha ka bata kaupod ang ila tiya kag tiyo sang nabungguan sang delivery van. Wala napilasan ang tiyo nga si Jerry Dairo kag utod ni Rhyze nga si alyas Jhasnen matapos nakalikaw sa salakyan. Nagsurrender sa Mandurriao police ang driver nga si Ronald Draper sang Barangay Lisub, Anini-y, Antique apang nakaguwa kaina sang aga matapos nag-expire ang iya detention period. (JoMaque)