Iloilo City–Masobra 20 ka mga balay ang nasunog sa Washington Street, Barangay Benedicto, Jaro subong nga hapon.

Kalabanan sa mga balay ang human sa light materials gani madasig nga naglapta ang kalayo. Nagbulig sa mga katapo sang Bureau of Fire Protection sa pagpalong sang kalayo ang mga pumuluyo kag nagkalain-lain nga fire volunteer brigades.

Padayon naman nga gina-imbestigaran kon paano nagsugod ang sunog kag kon pila ka kahalitan.

Naghatag na ang city government sang initial nga bulig sa mga nasunugan nga nag-evacuate sa gym sa Jaro Plaza. Madamo sa nasunugan ang wala sang nasalbar nga kagamitan. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply