Iloilo–Full-fledged director na sang Iloilo Police Provincial Office ukon IPPO si PSSUPT Marlon Tayaba.

Ginkumpirmar ini ni PSUPT Elmer Armada, Deputy Director for Administration sang IPPO. Suno kay Armada, nag-epekto sang Oktubre 18 ang pagpungko ni Tayaba bilang full-fledged director pero nadelay ang pag-abot sang komunikasyon sa ila.

Hunyo 20 subong nga tuig sang nagpangalagad si Tayaba bilang acting IPPO director tal-os kay Senior Supt. Harold Tuzon nga naiguan sang one-strike policy sang PNP kasunod sang pagsulong sang New Peoples’ Army sa Maasin Police Station sang Hunyo 18. Si Tayaba ang anay director sang Criminal Investigation and Detection Group ukon CIDG 6 antes gin-assign sa ARMM kag isa man sa mga nagpamuno sa clearing operations sa Marawi City sang ginsalakay sang Maute group. (AGB)

         

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply