5 ka mga pulis nga wala nag-attend sa flag retreat sang Nobyembre 3, ginpa-parade rest sa atubang sang flag pole sa Camp Delgado

Iloilo City — Istrikto nga ginapatuman ni Senior Supt Remus Zacharias Canieso, chief sang Regional Directorial Staff sa Police Regional Office 6, ang disiplina sa mga pulis.  Lima ka pulis sa RPO 6 ang nasampulan sang disiplina matapos wala nagtambung sa flag retreat sang Biernes, Nobyembre 3.  Ginpa-initan ni Canieso ang lima ka pulis samtang nagatindog sa atubang sang flag pole sa Kampo Delgado.  Ginpabutyag ni Canieso nga ginatudlo sa mga personnel nga indi magpasaway kag maghatag sang kurtesiya sa ila mga senior officers.  Suno naman kay PRO 6 Spokesman Gilbert Gorero, ang pagdisiplina kabahin lang sang internal cleansing sa PNP organization agud masiguro nga makakas ang kurakot kag salawayon nga pulis.

Kulang ang tatlo tubtob apat ka oras nga pag-parade rest sang lima ka police non-commissioned officers sa Kampo Delgado suno kay Gorero.  Suno pa sa iya, nagakadapat lang nga disiplinahon ang lima ka PNCO agud ipahanumdom sa ila nga suluguon sila sang mga pumuluyo. Ginpa-athag ni Gorero nga kabahin sang internal cleansing sang PNP organization ang pagdisiplina sa salawayon kag corrupt nga mga pulis. Kon padayon ang demerit sa pulis, mahimo siya nga ipa-idalum sa summary proceeding kag mapasakaan sang kaso administratibo. (JoMaque)