City Government, nagdesisyon nga indi na mag-issue sang ID pass para sa mga menor de edad nga nagapractice para sa Dinagyang Festival

Iloilo City — Indi na mag-isyu sang ID pass ang City government para sa mga menor-de-edad nga estudyante nga nagapasakup sa Dinagyang Festival.    Nadesisyunan suno kay Mayor Joe Espinosa nga pasugtan ang practice pero dapat papuliun ang mga minors antes ang curfew hours nga halin alas-10 sa gab-i tubtob alas-4 sang kaagahon. Kon makalab-ut naman sa curfew hours, pwede nga makatulog sa eskwelahan ang mga estudyante apang dapat nga nakahibalo ang ila ginikanan.  Suno kay Espinosa, wala man sang school authorities nga naghatag sang garantiya nga indi maghapit sa iban nga lugar ang ila mga estudyante kon hatagan sang ID pass.  Nagpa-andam ang mayor nga mangin istrikto gihapon ang syudad sa pag-implementar sang Curfew for Minors Ordinance. (JoMaque)