Isa sa 3 ka mga suspects nga nag-strafing sa balay sang suldado sa Barotac Viejo, nakilala na

Iloilo — Nakilala na ang isa sa mga suspetsado nga nag-strafing sa balay kag nagtiro kay Corporal Felizardo Barrida sa Barangay San Lucas Barotac Viejo. Suno sa live-in partner ni Barrida, nakilala niya ang isa sa ka suspect bangud wala ini nakasuksok sang bonnet sang nagsulod sa ila balay. Nagapati si retired Army Staff Sgt Edmundo Barrida, magulang ni Corporal Barrida nga gun-for-hire ang nagtiro sa iya manghod. Una na ginlantaw nga love triangle ang motibo sa insidente. Gindula naman ang anggulo nga nasal-an lang ang balay ni Barrida nga balay sang mag-utod nga gin-abduct sang armado nga mga lalaki sang damlag lang. May pilas sa paa kag tiil si Barrida. Wala na naghatag pa sang dugang nga detalye ang pamilya ni Barrida. (JoMaque)