Estancia, Iloilo–Nagmartsa ang mga progresibo nga grupo upod sa mga na-apektuhan sang Bagyo Yolanda sa Estancia sa ikaapat nga anibersaryo sang bagyo subong nga adlaw.

Suno kay PAMANGGAS Panay Secretary General Cris Chavez, madamo gihapon nga pumuluyo sang Estancia ang nabudlayan bangud wala nakabaton sang danyos ilabe na ang mga na-apektuhan sang oil spill halin sa nagsadsad nga barge sang NAPOCOR.

Tuman man kahinay suno sa iya ang rehabilitasyon kag madamo pa sang problema nga wala nasolusyunan sang gobyerno.

Ginpabutyag naman ni SB Member Danilo Bataga nga nakabangon na ang banwa. Nakabaton suno sa iya sang cash ang mga na-apektuhan sang oil spill pero gin-ako nga wala pa nakabaton sang danyos ang mga nagpasaka sang kaso batuk sa NAPOCOR. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply