Pila ka konsehal sa syudad, lain-lain ang reaksyon sa petition for renewal of franchise sang PECO
Read Time:1 Minute, 15 Second
Iloilo City–May magkatuhay nga reaksyon ang pila ka konsehal sang syudad angut sa petition para sa renewal sang franchise sang Panay Electric Company.
Luyag ni Councilor Leizl Salazar nga i-improve ang facilities sang PECO antes maghingyo sang renewal, Nagapati ini nga puwede pa mapa-ayo sang PECO ang ila serbisyo ilabe na nga madamu ang nagareklamo nga mga konsumedor.
Para naman kay Councilor Jay Treñas, kinahanglan nga ma-review ang services sang PECO antes irenew ang franchise. Dapat man suno sa iya nga pamatian ang mga konsumedor kag ang paathag sang PECO.
Indi pa makahatag sang panindugan si Councilor Mandrei Malabor sang iya panindugan. Dapat ikonsiderar suno sa iya ang tanan nga reklamo ukon issues batuk sa PECO kag pamatian kon may yara ini sang bag-o nga sistema.
Indi man makadesisyon si Councilor R. Leone Gerochi sa mangin tindog sa petition bangud wala sang ibulos nga distribution utility. Apang kun irenew gid man, dapat nga open market kag indi monopoliya.
Sa pihak nga bahin, ginsuhestyun ni Councilor Joshua Alim sa mga kaupod sa City Council nga ang Committee of the Whole ang magadesisyon kag matipon sang panindugan nila lakip ang mga reklamo batuk sa PECO. Gin-engganyo man sang konsehal ang iya mga kaupod nga hingagawon ang pagpadala sang komento sa House Committee on Legislative Franchises nga magahiwat sang hearing sa petition for renewal of franchise sang PECO. Nagpasar sang resolution ang konseho nga nagarequest kay Committee Chair Congressman Franz Alvarez nga hiwaton sa syudad ang hearing. (AGB)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Bangkay ginhal-id sa kilid sang karsada sa San Joaquin
ILOILO — Nasapwan ang bangkay sang lalaki nga ginhal-id sa kilid sang karsada sa Brgy. Qui-anan, San Joaquin kaina sang...
21 anyos nga gin-report nalumos sa Arevalo nakapauli na sa ila balay
ILOILO CITY — Nakapauli na si John Mark, ang 21-anyos nga una gin-report nalumos sa Zone 3, Sto. Niño Sur,...
Factory sang Molo wrapper, miswa sa Oton nga nasunog sang Abril naguba sang ginlabayan sang buhawi
ILOILO – Naguba liwat ang factory sang Molo wrapper kag miswa sang ginlabayan sang buhawi sa Brgy. Abilay Sur, Oton...
Detour road sa idalum sang Oyungan bridge sa Miagao temporaryo nga indi maagyan sang mga dalagku nga salakyan tungod sang mataas nga level sang tubig
ILOILO -- Temporaryo nga indi maagyan ang detour road sa idalum sang Oyungan Bridge sa Miagao tungod sang pagtaas sang...
11 ka mga senador personal nga ginhatagan ni Pavia SB member Pyt Trimañez sang kopya sang resolution nga nagahingyo nga imbestigaran ang kontrobersyal nga Ungka flyover
Onse ka mga Senador ang nakabaton sang resolusyon sang Pavia Sangguniang Bayan angut sa pag-conduct sang Senate inquiry in aid...
73-anyos nga babaye nga una gin-report nga missing sa New Lucena patay na sang nakit-an
ILOILO -- Patay na sang nakit-an ang 73-anyos nga babaye nga una gin-report missing sa Brgy. Baclayan, New Lucena. Ginkilala...
Average Rating