8 ka pamatan-on, nasalbar sa nagkapan nga motor bangka sa Estancia

Estancia, Iloilo–Nasalbar ang walo ka pamatan-on sang nagkapan ang ginsakyan nila nga motor bangka sa baybayun sang Bulobadiang Islet sa Estancia kahapon sang hapon.

Suno kay Lieutenant Commander Ramil Palabrica sang Philippine Coast Guard Iloilo Station, halin sa Brgy. Talingting, Carles ang mga pasahero kag mapadulong kuntani sa Estancia sang natabu ang insidente.

Nagkapan ang motor bangka bangud sang mabaskog nga hangin kag dalagko nga mga balud. Unregistered suno kay Palabrica ang gingamit nga sakayan sang mga pamatan-on nga ginabug-usan sang pito ka menor de edad kag isa ka 18-anyos. Padayon nga ginabulong sa ospital ang lima ka pamatan-on bangud naka-inom sang tubig dagat.

Gina-imbestigaran naman sang Coast Guard kun may upod nga boat man ang mga pamatan-on. (AGB)