Bangkay sang 15-anyos nga dalagita, nasapwan nga naga-utaw utaw sa sapa

Dingle, Iloilo —  Nasapwan nga naga-utaw utaw sa sapa ang bangkay sang 15-anyos nga dalagita sa Sitio Nabaho, Brgy. Camambugan, Dingle.  Suno kay Senior Inspector Samuel Vipinosa, hepe sang Dingle Police Station, yara na sa state of decomposition sang nasapwan ang bangkay ni alyas Inday nga ginpahayag may deperensya sa paminsarun.   Dugang niya, wala man sang underwear sang nasapwan si Inday.   Sa imbestigasyon sang pulis, Nobyembre 5 sang pinakaulihi nga nakita si Inday nga nagkuha sang tambo kag wala na nakapauli.    Narecover sa lugar ang binangon nga ginapatihan gindala man ni Inday sang naglakat.  Positibo naman nga ginkilala si Inday sang iya pamilya. Natalana ipa-autopsy ang bangkay sang dalagita agud matumod kun ginhimuslan bangud wala na ini sang underwear sang nasapwan. (JoMaque)