Iloilo City — Ginhatagan pagkilala sang Kabataang Makabayan-Panay¬† ang tatlo ka miembro sang New People’s Army nga napatay sa engkuwentro batuk sa Philippine Army sa Brgy. Puti-an, Cuartero, Capiz sang damlag lang. Suno kay Ka Victoria Juven, tagpamaba sang KM-Panay, naghalad sang kinaalam, dedikasyon kag kabuhi para sa kadalag-an sang pungsodnon-demokratiko nga rebolusyon sanday Ka Remy, Ka Val kag Ka Bong nga kabahin sang Nonito Aguirre Sr. Command. Ang pagkapatay sang mga miembro suno sa iya, ang inspirasyon kag ehemplo sa mga pamatan-on sa pag-alagad sa pumuluyo nga napigos tubtub nga maangkon ang kadalag-an sang pungsodnon nga demokratiko. Dugang niya, panghangkat man ini sa mga pamatan-on sa pagpahilway sang pumuluyo sa dalum sang malapyudal kag malakolonyal nga sistema.

Una na ginpahayag n Lt. Col. Sisenando Magbalot, Jr, commanding officer sang 61st IB sang Philippine Amry nga miembro sang Sangay sa Partido Platoon east sang NPA ang mga napatay nga kanday Remy Berayi sang Lapaz; Federico Diaz sang Cuartero Capiz kag Allan Lerona alyas Bong sang Mambusao Capiz. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply