Iloilo City – Ginahingyo sang mga Badjao nga pasugtan sila makatiner sa syudad sang Iloilo tubtub sa paskuwa.

Suno kay alyas Dong sang Jolo, Sulu, luyag lang nila nga makatipon sang kuwarta agud dal-on sa ila pagpauli.

Nagpa-amulya sila sa syudad bangud wala na sila sang balay nga istaran kag palangabuhian sa ila lugar bangud sang bagyo kag indi man sila makapangisda bangud sang mga pirata.

Gin-athag ni Dong nga indi halin sa pagpangawat ang ginabakal nila sang pagkaon kundi halin sa mga maluluy-on nga tawo sa Iloilo.

Kaina sang aga, ginsikop sang Oplan Sapupo sang city government sa bulig sang Mandurriao police ang kapin 30 ka mga badjao nga nagatiner sa Mandurriao plaza.

(ATT)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply