Iloilo — Nagpanugyan si Philippine Army-61st Infantry Battalion Lt. Col. Sisenando Magbalot sa mga suldado kag mga pulis nga maghalong kag indi maghatag sang kumpiyansa sa posible pagpang-atake sang mga miembro sang New People’s Army. Namonitor sang mga tinawo ni Magbalot nga nagaplano nga magbalo ang mga miembro sang NPA matapos napatyan sila sang tatlo ka kaupod ukon kadre sa engkuwentro sa Cuartero, Capiz. Suno kay Magbalot, sang nagligad nga inadlaw, namonitor sang mga intelligence officers sang Philippine Amry nga may gintanom nga landmine ang mga miembro sang NPA sa isa ka barangay sa Maasin nga ginalauman nga magaagi ang truck sang mga suldado. Nagpasalig si Magbalot nga preparado sila nga mag-engkuwentro sa NPA bisan ano oras para nga mapangapinan ang mga pumuluyo kag mga negosyante. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply