Iloilo City — Gin-isa-isa sang Panay Electric Company ang nangin aksyon sa mga reklamo batuk sa ila kag mga developments sang kompaniya sa ila ginpatawag nga press conference.   Gintumod sang PECO ang reklamo sa overbilling, arrogant personnel kag unexplained brownouts.  Sa overbilling, nagsugod suno sa PECO ang problema sa Lapaz kag ginbasol ang ila contractor nga Utility Solutions Incorporated sa sala nga reading. Pero wala gin-specify sa presentasyon kon pila ang nabiktima sang overbilling sa Lapaz.  Sa accumulated bills naman, may gin-imbitar ang PECO nga konsumedor nga nagtestigo nga may ‘side deal’ sa meter reader kag consumer. Nagpasalamat ang konsumedor sa PECO bangud ginpasugtan siya nga bayaran sa sulod sang 29 ka bulan ang iya accumulated bills.

Ginpabutyag naman ni Mikel Afzelius, Corporate Communication Officer sang PECO, nga wala sila nagabaton sang arogante nga mga empleyado pero gin-engganyo ang mga konsumedor nga magreklamo agud ila ma-aksyonan. Ginpa-athag dugang ni Afzelius nga mas diutay ang brownouts sang 2016 kon ikumparar sang 2015 kag wala man sila nagasukot sang sobra-sobra. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply