Pavia, Iloilo–Napuhag ang mga estudyante, manunudlo kag nagatrabaho sa Pavia National High School matapos nasunog ang stockroom kaina sang aga.

Suno kay Mrs. Lenita Cordero, Master Teacher 1, 14 ka estudyante, isa ka teacher kag duha ka canteen helpers ang gindala sa Western Visayas Sanitarium bangud naglain ang pamatyag nga posible nakahaklo sang aso. Nakarecover naman ang mga na-ospital samtang gin-abaga sang Pavia LGU ang gasto.

Suno naman kay Principal Delora Cecilia Fantilo, gina-imbentaryo pa nila kon pila ang kahalitan. Lakip lang sa nasunog suno sa iya ang telebisyon, garden tools kag mga kahoy nga ginpang-utod.

Ginpahayag ni Fire Inspector Jesus Valenzuela, Municipal Fire Marshal, nga gina-imbestigaran man nila kon paano nagsugod ang sunog. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply