(UPDATE) Janiuay Mayor Jojo De Paula, ginapa-imbestigaran ang paglain sang pamatyag sang 60 nila ka atleta sa 3rd CDSA Meet sa Lambunao

Janiuay, Iloilo–Ginapadeterminar sang mayors sang Janiuay kag Lambunao kon ano ang rason sang paglain sang pamatyag sang mga atleta sa nagapadayon nga 3^rd Congressional District Sports Association Meet.

Suno kay Janiuay Mayor Jojo De Paula, hibaluon gid kon halin sa pagkaun ukon tubig ang rason sang pagka-ospital sang 60 ka atleta. Ginpa-laboratory na suno sa iya ang food kag water samples.

Nagreklamo sang pagsakit sang tiyan, pagsuka kag paglingin sang ulo ang mga atleta sang Janiuay sa billeting area sa Lambunao National High School.

May nagaluto nga taga-Janiuay para sa delegasyon sang banwa samtang gin-athag ni Lambunao Mayor Jason Gonzales nga pangpaligo lang ang tubig nga ila ginasupply.

Isa na lang ka atleta ang nagapabilin sa ospital sa Lambunao. (AGB)