Iloilo City — Gin-cremate sa Gegato-Abecia Funeral Homes ang  bangkay ni Remy Beraye,  43 anyos sang Brgy. Baldoza, Lapaz matapos ang misa nga gin-officiate ni Father Richard Tacardon.  Magluwas sa iya asawa nga si Atty. Geobelyn Lopez-Beraye kag duha ka bata nga babaye, present ang  ginikanan kag mga utod ni Remy pati man ang iban niya nga himata, mga abyan kag classmates sa West Visayas State University nga sanday Atty. Joebert Pajilga, human rights lawyer kag Cris Chavez,  chairperson sang Bayan Panay.  Ginakabig si Beraye sang iya mga abyan nga hangaway sa kinamatarung sang mga estudyante, ilabi sa na sa mga kubos nga pomoloyo. Si Beraye kaupod sanday Federico Diaz sang Cuartero Capiz kag Allan Lerona alyas Bong sang Mambusao Capiz ang napatay sa engkuwentro sang Philippine Army sa Brgy. San Antonio, Cuartero, Capiz sang Nobyembre 7. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply